На ўзлеску, прыгожым, як узорыстая выцінанка, дзяўчынка Алёнка пасвіць сімпатычнае гусяня - вясёлага Дарафея. Толькі пасвіць не дужа ўважліва. Так што зручным момантам карыстаецца хітрая Лісіца. А далей ужо клопатаў хопіць усім: і Алёнцы, і Вожыку, і гледачам.

Адметнасць пастаноўкі ў тым, што дзеці робяцца актыўнымі ўдзельнікамі прыгод, што адбываюцца на сцэне і ў глядзельнай зале. Займальная гульня неўпрыкмет вядзе да думкі: калі бярэшся штосьці рабіць - рабі як след, нават калі справа падаецца зусім простай.

Источник: lialka.by